: طاجين الجبن بالدجاج خفيف

: طاجين الجبن بالدجاج خفيف
السلام عليكم و رحمة الله تعالى و بركاته
البارح درت واحد الوصفة في الحقيقة اول مرة نجربها و قلت ادا خرجتلي مليح نحطها لحبيباتي الغاليات و ان شاء الله تجربوها هكدا الواحدة منا تنوع شوية ما نطولش عليكم
المقادير
صدر دجاج
5بيض
بصلة + سنينات ثوم
كاس حليب
كاس خبز مرحي اي شابلور
كاس مرق الدجاج
قطعة فورماج ابيض حوالي 100 غ
1/2 كيس خميركميائية
و جبن مبشور للتزيين
فلفل اسود+ملح+قرفة اللي حبت و اللي ما تحبهاش ممكن تستغنى عليها
عود زعيترة
التحضير
في طنجرة نحطو صدر الدجاج+بصلة مسكرفجة + سنينات الثوم +عود الزعيترة + 3مغارف زيت المائدة
نخليوه يطيب مليح و نخليو المرق تنقص حتى توصل قيس كاس راح نحتاجوها من بعد
من جهة اخرى ناخدو وعاء نحطو فيه الصدر تاع الدجاج بعد ما نكونو فتتناه موارس متوسطين +كاس مرق الدجاج اللي كنا احتفظنا بيه+كاس حليب+كاس خبز مرحي+5 بيض+الفورماج الابيض+1/2 كيس خميرة كمياءية+فلفل اسود ( هنا فقط ردي بالك للملح يعني كل شيئ راه مالح انا نفضل ما نزيدش نضيف الملح )(
نخلطو كل هده المقادير بشكل جيد
نوجدو مول اللي يدخل للفور ندهنوه بشوية زبدة و نحطو فيه هداك الخليط و ندخلوه للفرن على درجة حرارة متوسطة كي ينشف شوية نحطولو الفورماج المبشور و نزيدو نخلوه شوية في الفرن كي يجمد كامل نحمرو قليلا من الفوق
و بصحتكم يعني هو طبق خفيف جدا

[ندعوك للتسجيل في المنتدى أو التعريف بنفسك لمعاينة هذه الصورة]

للاسف مافي صورة لكن على المقادير باين لديد وما دام جربتيه انجربو ان شاء الله شكرا لك

[ندعوك للتسجيل في المنتدى أو التعريف بنفسك لمعاينة هذه الصورة]

تسلمي ام عماد الطبق رائع وخفيف وسهل

يعطيك الصحة يا غالية على الطبق اللذيذ تسلمي حبيبتي ام عماااااااااااد

شكرا حبيباتي على المرور نورتو صفحتي يا الغاليات

شكرا كتير

بارك الله فيك